1 Ձեր եղբայրներին ասեցէք՝ Ամմի եւ ձեր քոյրերին՝ Րուհամա. 2 Վիճեցէք ձեր մօր հետ, վիճեցէք, որովհետեւ ա նա իմ կինը չէ, եւ ես նորա այրը չեմ. Որ նա հեռացնէ իր բ պոռնկութիւնները իր երեսից, եւ իր շնութիւնները իր ստինքի միջիցը։ 3 Որ մի գուցէ գ նորան հանեմ մերկացնեմ, եւ նորան ներկայացնեմ դ իր ծնուած օրին պէս. Եւ նորան ե անապատի պէս շինեմ, եւ նորան անջուր երկրի պէս անեմ եւ զ ծարաւով մեռցնեմ նորան. 4 Եւ նորա որդկանցը չ’ողորմեմ, որ է պոռնկութեան որդիք են նորանք։ 5 ը Որովհետեւ նորանց մայրը պոռնկացաւ. Խայտառակուեցաւ նորանց ծնողը որ ասեց. Գնամ իմ հոմանիների ետեւից, թ որոնք որ տալիս են իմ հացը եւ ջուրը, բուրդն ու քթանը. Իւղս եւ խմելիքներս։ 6 Դորա համար ահա ես ժ փուշերով ցանգ պիտի քաշեմ նորա ճանապարհին եւ նորան պիտի պատեմ պատով, որ նա իր շաւիղները չ’գտնէ։ 7 Եւ նա կ’գնայ իր հոմանիների ետեւից, բայց նորանց չի հասնիլ, եւ նորանց կ’որոնէ, բայց չի գտնիլ. Այն ժամանակ կ’ասէ. ի Ետ դառնամ գնամ իմ լ առաջի մարդի մօտ, որովհետեւ ինձ համար այն ժամանակը լաւ էր քան թէ հիմա։ 8 Եւ նա խ չ’գիտէր, որ ես էի տալիս իրան ծ ցորենը, գինին եւ իւղը. Եւ ես նորա արծաթը շատացրի եւ ոսկին. Որոնցով նորանք Բահաղներ շինեցին։ 9 Դորա համար ետ պիտի առնեմ կ ցորենս իր ժամանակին եւ գինիս՝ իր եղանակին. Եւ պիտի խլեմ բուրդս ու քթանս, որ նորա մերկութիւնը ծածկելու համար էր. 10 Եւ հիմա պիտի յայտնեմ հ նորա անզգամութիւնը նորա հոմանիների առաջին, եւ ոչ ոք չէ կարող նորան ազատել իմ ձեռից։ 11 ձ Եւ պիտի դադարեցնեմ նորա բոլոր ուրախութիւնները, նորա ղ տօները, ամսագլուխները եւ շաբաթները. Եւ նորա բոլոր հանդիսաւոր ժամանակները. 12 Եւ պիտի աւերեմ նորա որթերը եւ թզենիները, ճ որոնց համար ասում էր թէ նորանք իմ կապէնքն են, որ իմ հոմանիները տուել են ինձ. Եւ ես մ նորանց անտառ պիտի շինեմ, եւ դաշտի գազանները պիտի ուտեն նորանց։ 13 Եւ նորան պիտի պատժեմ Բահաղիմների օրերի համար, որոնցում նա խունկ էր ծխում նորանց, եւ զարդարվում էր յ օղերովը եւ պաճուճանքովը, եւ իր հոմանիների ետեւից գնում, եւ ինձ մոռացել էր, ասում է Տէրը։
14 Սորա համար ահա ես նորան կ’համոզեմ, եւ ն նորան կ’տանեմ անապատը, եւ կ’խօսեմ նորա սրտի հետ։ 15 Եւ ես կ’տամ նորան իր այգիները այնտեղից, եւ շ Աքովրի ձորը իբրեւ յոյսի դուռ, եւ նա կ’պատասխանէ այնտեղ ո իր մանկութեան օրերի պէս եւ իր չ Եգիպտոսի երկրից վեր գալու օրուան պէս։ 16 Եւ կ’լինի այն օրը, ասում է Տէրը, որ ինձ Ով իմ այր կ’կանչես, եւ ինձ այլ եւս Բահաղս չես կոչիլ։ 17 Եւ պ ես կ’հեռացնեմ Բահաղիմների անունները նորա բերանից. Եւ նորանք այլ եւս պիտի չ’յիշուին իրանց անուններովը։ 18 Եւ նորանց համար ուխտ պիտի դնեմ այն օրը ջ դաշտի գազանների հետ եւ երկնքի թռչունների հետ եւ երկրի սողունների հետ. Եւ ռ աղեղը, սուրը եւ պատերազմը պիտի կոտրեմ երկրից, եւ նորանց պիտի պառկեցնեմ ս ապահովութեամբ։ 19 Եւ քեզ պիտի նշանեմ ինձ համար յաւիտեան. Եւ քեզ պիտի նշանեմ ինձ համար արդարութիւնով եւ իրաւունքով, եւ ողորմութիւնով ու գթութիւնով։ 20 Եւ քեզ պիտի նշանեմ ինձ համար ճշմարտութիւնով, եւ վ դու կ’ճանաչես Տիրոջը։ 21 Եւ կ’լինի այն օրը, որ ես տ կ’պատասխանեմ, ասում է Տէրը, կ’պատասխանեմ երկնքին, եւ նա կ’պատասխանէ երկրին։ 22 Եւ երկիրը կ’պատասխանէ ցորենին, գինիին եւ իւղին, եւ նորանք կ’պատասխանեն Յեզրայելին։ 23 Եւ ր նորան պիտի սերմանեմ ինձ համար երկրի վերայ եւ ց պիտի ողորմեմ չ’ողորմեալին, եւ կ’ասեմ նորան որ ւ իմ ժողովուրդը չէ. Դու իմ ժողովուրդն ես, եւ նա կ’ասէ. Ով իմ Աստուած։
Ովսե 2